maazi se kuch guftagu

Sarsarati si sarsarahat mein,

kuch sadayein bhi udd rahi hain..

Sarwatoun mein, maathe pe, surmai ke uss

Dekh maazi, bhawein jo  jud rahi hain..

Faqr mein firdous ke,

Wafa se kee thee bewafai..

Waqt katt gaya hai,

Waqt ki maar katt  nahin pai..

Sarsarati si sarsarahat mein,

kuch sadayein bhi udd rahi hain..

khud mein,khud se hi, surmai ke uss..

Dekh maazi, kuch yaadein ladd rahi hain..

Haan! Sach hai ki,  Janaza-e-ishq ..

Shehar ke har nukkad se nikala tha,

Par  badnaami, wo khud oudh gaye the,

Ishq ko, badnaam nahin kiya tha..

Sarsarati si sarsarahat mein,

kuch sadayein bhi udd rahi hain..

aansuoun  se, geirat mein, surmai ke uss

Dekh maazi, aankhein ab chhalak rahi hain..

rOBIN kUMAR sINGH